Nung Ninu Ca Man
Nang: Louie Aldrin L. Bartolo
Nang: Louie Aldrin L. Bartolo
Nung ninu ca man
Tanggapan ra ca qng bie cu
Alang taung milalang qng yatu
Na casing pante ning Dios
Aliua mu ing santing ing magdala
Nune ing ganaca mu ing magtas
Lalawan cu man ing cecang santing
Lalu cung paniglon ing cayapan mu
Matula cu qng masuelu mung mata
Cumabie cu qng mayumu mung timan
Metagkil cu qng mayap mung gamat
Gamat na tune masabal at ayasahan
Nung sana ica na ing panayan cu
Ipasiag cu ing pilub luban cu queca
Igulisak cu ing lagyu mu qng sabla
At isalicut da ca qng pusu cu capilan pa man
Photo Credits:
www.i.pinimg.com
No comments:
Post a Comment