Yng Quecaming Sapni
Nang: Louie Aldrin Lacson Bartolo
Metu caming simpling miyasaua
Atin caming aduang anac a lalaqui
Atin nalang sariling familia
Ampo mangasanting a anac
Yca pangane, dadalan me yng laguiu tamu
Ycaming pengari mu pagmaragulan da ca
Mipmu ca qng cabiasnan ampo sicanan
Biasa ca sana manupaya ampo mamiye
Yca bunsu, pagmaragul da ca rin
Mipmu ca qng casipagan ampo capanatindian
Tune cang ayasahan nucarin man bage
Biasa ca sana maquiramdam quecaming mangatua
Ycong aduang mangalagung manuiang cu
Masuelu cayung sinalagpi quecaming sapni
Tinggap da ca yu, balamung tune ming anac
Yturu yu sana careng anac yu yng cayapan
Ycaung apu mi, tune cayung mamiye tula ampo sicanan
Ala caming pinili nung ninu quecayu yng luguran mi
E cami maglele uling pante mu yng lugud mi quecayu
Luguran yu la sana reng quecayung pengari
Nung miras yng oras ning pamaglaco mi quening yatu
Micacalugud cayu, ampo mipapanitindi cayu
Uling, miras yng aldo na malasac ya yng yatu
Muli cayu murin qng quecayung sapni
Photo Credit:
Tree Roots Tattoo
www.pinterest.com
No comments:
Post a Comment