Yng Canacung Biahi
Nang Louie Aldrin L. Bartolo
Menagcat la reng canacung cuyug
Magbiahi qng maculeng ciudad ning Menila
Cabang lilibutan miya yting masanting a ciudad
Mengutang la rening canacung cuyug
Ninu yng ysipan mu caca?
Cacaluguran, eya buo yng cacung aldo
Uling paninapan cu, acayabe que sana
Yting taung mamyeng tula canacu
Mipa ysip la rening canacung cuyug
Quitang ra pa, mipacananu na cayu?
Sinabi cu carela, malambat cu neng pantunan
Uling mibating ya pauli na canacu
E cu ynisip qng metung mu culisac
Cabud nemu mibating qng lele cu
Ecu a ysip murin canita
Pagmasabalan na nacu pala
Ecu na abalic ytang panaun
Para a ustu cu yning camalian cu
Madalang mu yng taung dumalan qng bie cu
Para magmasabal ampo lugud queca
Manari qng metu a masanting a cristal
Na eme peca yngatan angga qng abalbal me
Rening pirasu na emu na bitasang abalic
Ampo milaco neng santing ampo ulaga
Metu cu taimic ampo e bubulad
Pero, qng pilub luban ning pusu cu
Yng lagyu na, ya pa ing mimiral
Ampo mamye ganaca qng pamibie bie cu
Nung marinan cu pang pasibaiung cristal
Ecu mangacung gawan cu ngan
Nune, gawan cu para adinan qng tula ampo santing
Ampo paca yngatan que qng canacung biahi.
Photo Credits:
www.momondo.com
